雖然沖涼望落去唔係咩難事，但如果主人幫 寵物沖涼 ，最多表面乾淨，但好快果陣狗仔味又會蒲出嚟。所以主人會勤啲幫毛孩沖涼，但問題根本唔響沖涼多與少上面，而且毛孩亦唔適合頻密沖涼，太頻密可能引致皮膚問題出現。今日等PetMart同你一齊睇吓幫毛小孩洗白白既技巧！
寵物沖涼
- 毛小孩要幾耐洗一次白白？
- 揀沖涼用品？
- 點吹先？
- 寵物抗拒沖涼點算？
- 咩時候搵寵物美容？
- 邊啲寵物唔適合沖涼？
- 寵物沖涼 步驟？
1. 毛小孩要幾耐洗一次白白？
呢個問題無一個標準答案，係決定寵物洗澡既頻率及時機，需要考慮
- 毛小孩既種類同當下狀況：毛質、毛長
- 皮膚敏感度 (例如: 是否有過敏體質)
- 醫療和治療需求
- 生活型態 (例如: 經常出去散步使毛髮變髒)
- 主人同寵物之間既習慣和需求 (例如: 是否會讓寵物上床)
- 有無固定梳毛習慣
雖然寵物身上有毛毛，但佢哋肌膚既角質層比人類薄，容易因為過度清潔、化學洗劑而泛紅、發癢、起濕疹、產生更多皮屑，亦容易因為無吹乾毛髮而感染黴菌，不建議每天幫寵物沖涼。
一般而言，一個月洗一次就夠。有啲寵物可以接受每星期一次，但建議只用水狀擦拭清潔用品來進行，兩三星期再用一次洗毛精。但重點要睇寵物本身，包含壓力、肌膚等狀況來採用不同清潔方式，對毛孩會更適合、更友善。
1.1 沖涼一定要梳毛？
梳毛係最重要既步驟，係清潔方面對寵物皮膚最有幫助，無論邊一種毛質與毛長既毛小孩，平日養成梳毛既習慣可以延長洗澡的間期，因為梳毛有以下好處:
- 除去廢毛、老化角質及皮膚寄生蟲，讓皮膚透氣
- 按摩皮膚，促進皮膚血液循環
- 減少皮膚打結
- 提早發現皮膚問題，或是傷口
- 最重要的是，舒服的梳毛時光可以增進人寵關係
1.2 沖涼唔係除臭味既唯一解決方式
除咗油脂不平衡所造成皮屑增生、皮屑氧化等，會產生體臭味外，寵物身上既異味亦可能嚟自口腔、耳道、腳掌和肛門(腺)，呢啲部位如果有發炎，就會造成身體臭味，要消除寵物身上既異味，並非只靠洗澡及洗毛精解決。呢啲情況下沖涼，唔單只無法解決問題，仲會導致寵物發炎情形更嚴重，所以主人一定要特別小心注意。
2. 點揀沖涼用品
2.1 梳
梳毛係寵物沖涼最重要既一環。沖涼前、後都要用梳打理寵物毛髮，寵物毛髮比人類既頭髮有更多學問，梳亦唔可能一把走天下，建議主人士至少準備一把排梳，及一把針梳。
2.2 清潔用品
清潔既目的係帶走毛小孩身上過多既油脂，並唔係用香氣去蓋過異味，所以寵物既清品如洗毛精、乾洗用品，成分要簡單、天然、溫和、水性，避免太香、太化學既產品。
寵物既肌膚酸鹼性比人類高，所以人類既沖涼用品對寵物而言會太過刺激，即使標榜成分天然也唔岩俾狗貓使用。
2.3 其他小幫手
其他沖涼用品保護你既毛小孩
- 使用防滑墊避免寵物滑倒
- 係牆上塗一些泥狀零食(或使用可以吸係牆上既舔墊lick mat)讓寵物分心
- 使用棉花球塞係寵物耳朵預防入水。
3. 點吹先？
幫寵物沖涼最怕係吹唔乾既毛髮，因為香港既天氣非常濕熱，皮膚會因為潮濕天氣變成黴菌既繁殖基地，咁樣前面沖涼既努力就會浪費晒。
你需要一條強力吸水毛巾，在沖完涼後快速吸掉毛上既水珠，另外需要準備一個寵物專用風筒，因為人用既風筒溫度太高，容易造成寵物急性濕疹(hot spot)，而且毛髮容易吸入風筒造成損壞，寵物專用既風筒是以強風或中低溫度烘乾，讓寵物毛髮乾爽。
4. 寵物抗拒沖涼點算？
凡事都有第一次，寵物無法理解沖涼對佢哋健康既意義，好多時都會出現抗拒情況，所以主人應係掂水之前，安撫寵物、替佢哋梳毛、透過毛巾按摩，以及讓佢哋熟悉風筒既聲音。
如果你養既係成年狗貓，而佢哋可能已經有負面經驗，你可以先從梳毛開始，讓寵物習慣人類對自己肌膚接觸，再慢慢進展到沖涼和吹乾。
記得，沖涼目的係保持皮膚和毛髮健康，唔係讓寵物「聞起來很香」，香味和健康不能畫上等號，皮膚和毛髮健康也可以透過去除皮屑、清除廢毛來完成。用淨屑理膚水，為寵物進行按摩擦拭，抗敏、清潔、去屑、除臭、保濕、保養，這種減壓清潔法可以經常使用，友善又方便。
5. 咩時候搵寵物美容？
寵物美容對主人嚟講絶對係方便既選擇，寵物洗澡用品係一舊錢，亦唔保證一定岩用，選擇寵物美容除咗證上述既幾點外，美容師亦會提供修剪指甲、擠肛門腺等額外服務，但唔係每隻寵物都鐘意去寵物店，所以你可以選擇上門服務。
係屋企幫狗狗沖涼係增進感情既方法之一 (很遺憾這點並不包含貓咪)，但當你既寵物有毛髮嚴重糾結、有藥浴需求、有跳蚤等，我哋建議你都係交俾專家好啲。
6. 邊啲寵物唔適合沖涼？
【幼犬/猫】剛出生至3個月內既毛小孩，都不宜幫佢們沖涼。因為佢哋抵抗能力較弱，在洗白白時容易冷親。
【剛生B狗狗/猫咪】剛生完BB既媽媽，唔好急住幫佢哋沖涼，最好等1個月左右，幼犬/猫斷奶後才恢復慣常既沖涼習慣。
【生病狗狗/猫咪】狗狗/猫咪生病時，不宜替牠們洗澡。原本體質就較弱，洗澡令佢哋更為不適，可能會引發低血壓，出現休克。剛注射完疫苗後既1個星期內，亦不宜洗澡，因為呢個時候狗狗/猫咪抵抗力較差，儘量唔好帶佢哋外出活動。
如果狗狗/猫咪實在太髒，可選用乾洗粉或用微濕既毛巾輕擦寵物身。
7. 寵物沖涼 步驟
7.1 沖涼時先梳理毛髮
在替寵物洗澡時，應先替寵物梳理毛髮，解開糾結纏在一起既毛，咁樣可以有效縮短洗澡既時間，減低寵物冷親既機會。為咗保護耳朵唔入水導致中耳炎，可係寵物耳洞入面塞上棉花，但唔好塞得太入。
7.2 保持水溫
替寵物沖涼，應該用溫水，無論冬天或夏天，水溫都應保持係攝氏35至40度左右。要知道寵物體溫比人高，呢個略熱既溫度，對寵物嚟講係剛剛好。
7.3 從頸部以下開始
留意沖涼時，小心洗毛水沾到寵物眼或耳朵，應係寵物背部塗上適量既洗毛水，然後輕輕揉搓，從而產生大量泡沫。跟住再將泡沫推向肩、腹、臀等地方逐一清洗。耳朵、腳底、脖子及肛門附近位置，應要最先清洗及特別留神。清洗完後要用水沖掉泡沫，如果仲係太髒，可再加上洗毛水重洗一次。
7.4 用清水洗淨
記得一定要用清水替寵物全身洗乾淨，不要留有泡沫。雖然狗狗不如貓咪般會經常用舌舔自己身體，但狗狗亦有舔手腳既習慣。泡沫被食入肚會帶來不適，所以徹底用水清潔全身相當重要。
7.5 用毛巾抹乾
用清水洗淨後，將寵物抱出浴缸，呢個時候狗狗一般都會自行甩掉身上既水。當狗狗停下來後，應用大毛巾再將毛小孩全身擦乾淨，不要留下水點。
7.6 用風筒吹乾
不好以為用毛巾幫寵物抹乾，等自然風乾。最好都係用風筒吹乾，尤其是長毛和雙層毛狗種。披毛無徹底乾透既話，好容易冷親，甚至引發皮膚病。
7.7 替寵物洗耳朵和眼眶
替寵物沖完涼，記得把塞係耳朵既棉花取出。另外，應將寵物耳垢和其他髒東西清理。要清潔眼睛位置，用溫濕毛巾為寵物擦拭眼睛周圍便可。咁樣可先軟化眼屎，然後從眼睛一角擦拭到另一角，不要來回擦拭。
你可能喜歡的文章
瀏覽更多文章
瀏覽更多商品
